Transcription
1
Monseigneur, nous recepvons à toutes les heures alarmes par missives des consulz et
2
habitans de Gap pour raison des volleries qui sont faictes à Ribiers et lieux circonvoisins
3
par les rebelles estans en grand nombre jusques à verser le vin, brusler les meubles,
4
portes et lictz. Cest ung degast pour ne donner occasion aux notres de les y aller
5
chercher et nen experons moins au premier jour jusques à Sassenaige. Nous ne
6
pouvons ausdits de Gap faire aultre responce si ce nest que le tout procède à
7
notre grand regret, estans asseurés quilz vous ont donné semblables advertissementz.
8
Nous avons, monseigneur, ces jours passés volu conférer avec monsieur Lyonne
9
notre receveur, quelz deniers pourions avoir en fondz pour soustenir la despence,
10
laquelle avons supporté puis environ une année pour ne estre en poine telle
11
quavons esté si deniers manquent au plus gros de noz affaires, lesquelz
12
acheminent plustost à une guerre que paix, il nous monstra lestat de
13
sa despence et de ce quil pouvoit avoir ou experoit recevoir, tellement
14
quil ne nous donna asseurance que pour ce mois et des deux mois
15
prochains, et encores avec le secours quil pouvoit avoir des deniers
16
de limposition des X s[ols] desquelz encores il se voldroit servir pour le mois
17
prochain. Nous luy donnames charge de vous en escrire et que pour ces
18
estatz prochains en pourrions plus amplement discorir avec vous,
19
monseigneur, par bouche que par lettre, si Dieu promect que votre comodité soit
20
de assister ausdits estatz, lesquelz comme nous prevoyons seront mal
21
accompagnés. Quant aux menasses et desseings des rebelles, nous
22
en remectons ausdites lettres et advertissementz de messieurs de Portes et
23
et La Tivolière. Que sera lendroict vous ayant presenté noz très humbles
24
recommandations, nous prions Dieu
25
monseigneur, vous donner en très bonne santé, longue et très heureuse vie. De
26
Grenoble, ce XIIIIme febvrier 1574.
27
Voz très humbles et obeissans serviteurs les commis des
28
estatz de Daulphiné.
29
Bourgel.